Arraz Nobel n Tfizikt 2020, yettunefk ass n tlata, 6 deg waggur-agi n tubeṛ ideg nella. D tajmilt i yimassanen imasnagurfiziken ɣef yimuhal-nsen imaklalen, yerzan Igḍan iberkanen.
Arraz Nobel yegda azal n yiwen umelyun (1 000 000) Euro.
Azgen n wazal-agi yettunefk i umassnagurfizik abriṭani, Roger Penrose (Tagelda yeddukklen n Briṭan tameqrant, 1931), i lmend n « Tagrut yerzan akala usileɣ n ugḍi aberkan d arid amadwas n tiẓri n tmasseɣt tamatut » i d-tenna tkadimit NOBEL.
Ma d azgen-nniḍen ad t-bḍun gar-asen s tgada umassnagurfizik almani Reinhard Genzel (Tagduda tafidiṛalit n Walman, 1952) akked tmassnagurt tamarikanit Andrea Mia Ghez (Iwunak yeddukklen n Marikan, USA, 1965), i lmend n « Tagrut i s i d-dlan s tɣawsa takussamt tangazdudant i d-yezgan deg wammas n tgalaksit-nneɣ »
Tamselɣut taɣbalut : https://www.nobelprize.org/prizes/physics/2020/summary/
D.A.A.