Ahil n leqdic i d-thegga Tiddukla tadelsant Tiεwinin n tγiwant n Wizgan lwilaya n Tizi-Wezzu, i icudden γer temliliyin n tsekla n yal ass n ssebt mazal yettkemil deg unnar, imi deqs n yimussnawen d wudmawen mucaεen i d-wwin u mazal ad-awwin. Dγa ssebt-agi yezrin 4 furar 2017 d Mass Muḥend Tilmatin, aselmad n tutlayt d tsekla tarumanit (Romaines) i yellan d amsarag deg uxxam n Yidles Ferrat Remḍan n temdint n Wizgan γef 14h, anda i d-imeslay γef tsertit n tutlayt d umḍiq n tutlayt n tmaziγt di Lezzayer. Ula d timliliyin ara-d-yillin deg wussan i d-iteddun s wazal-nsent, ledγa, ass n 11 furar 2017 anda ara yili Mass Mourad Ouchichi di ttiεad, syin d Mass Naser Buḍyaf, mmi-s n uselway Muḥamed Buḍyaf ara yillin d inebgi n Tiddukla tadelsant Tiεwinin n Wizgan ass n 18 furar i d-iteddun.
Islam Bessaci